Кӑҫал пуш уйăхĕн 5-мĕшĕнче хурҫӑ саслӑ Василий Егорович Митта ҫуралнӑранпа 110 ҫул ҫитрӗ. Пултаруллӑ сăмах ăстине хисеплесе Чăваш Республикин наци библиотеки, «Чăваш наци конгресĕ» регионсен хушшинчи общество организацийĕн вĕренÿ комитечĕ, «Хыпар» Издательство çурчĕн литературăпа культура тата искусство «Тăван Атăл» журналĕпе чăваш ачисен «Тантăш» хаçачĕ 2018 çулхи кăрлач уйăхĕн 10-мĕшĕнчен пуçласа нарăс уйăхĕн 28-мĕшĕччен республика шайĕнче «Сăваплă ят» викторина ирттерчĕç. Пуш уйăхĕн 27-мĕшĕнче Чăваш Республикин наци библиотекийĕнче Митта Ваҫлейӗ ҫуралнӑранпа 110 ҫул ҫитнине халалланă «Аслӑ Арапуҫ юманӗ» поэзи уявĕн «Сăваплă ят» викторина пӗтӗмлетӗвӗ иртрĕ. Çак «Сӑваплӑ ят» викторинӑра Первомайскинчи «Шуçӑм» ача сачӗн воспитатӗлӗ Киргизова Г.Н хутшӑнчӗ. Ӑна çак викторинӑра хастар хутшӑннӑшӑн Чӑваш наци конгресӗн ӗнентерекен сертификат хутне парса чысларӗç.