Театр çулталӑкӗнче çӗршывӗпех чылай  мероприяти пулӗ. Театр этем чунӗнче ыррине вӑратать, кӑмӑл- туйӑма лайӑхлатать. Театрта  халӑхӑн кун-çулӗ, йӑли- йӗрки упранать. Ку çитӗнсе пыракан ӑрушӑн уйрӑмах пӗлтерӗшлӗ. Акӑ  «Шуçӑм» ача сачӗнчи ачасем те театр çулталӑкне халалласа кашни ушкӑн тӗрлӗ юмах сценарине суйласа илсе тӗплӗн хатӗрленсе  кӑтартса пачӗç. Воспитательсем ачасене юмах урлӑ пӗлӳ тӗнчине илсе килеççӗ. Кашни ачан юмахри сӑнарӑн сӑмахӗсене вӗренесси, ӑна куракансене килӗшмелле выляса кӑтартасси - пысӑк ӗç. Пӗчӗк артисем юмахри сӑнарсене чунӗ витӗр кӑларчӗç  тейӗн: сӑмахсене тӗрӗс  каларӗç  çеç  мар,  геройсен хусканӑвӗсене те, характерне те, сассине те, пит-куç вылянӑвне те хӑйне евӗрлӗ кӑтартма пултарчӗç. Вӗсем артисенчен пӗрре-те  кая мар вылярӗç. Юмах ачасен ашшӗ- амӑшӗсен кӑмӑлне те  кайрӗ. Савӑнмалли тата асра юлмалли уявра темӗн чухлех пулчӗ.